台灣基督長老教會 德和教會

第382首《今咱大家來吟詩》

1. 今咱大家來吟詩，感謝上帝過新年，世間日子真快過，緊行天路當及時。

2. 何況性命無定著，如賊趇我在暗冥，緊行天路勿延遲，向前直到主身邊。

3. 人站世間如眠夢，功名富貴攏空空，何時纔是做小子，一目攝久變老人。

4. 一代過了又一代，親像草木冬過冬，緊行天路勿延遲，日日致意主的工。

5. 新春萬物攏換新，求主亦換我心神，今年各項所當做，求主使我照準繩。

6. 福音真理大進步，日日靠主堅固信，緊行天路勿延遲，言語品行換作新。　阿們。

「使徒信經」

　　我信上帝，全能的父，創造天地的主宰。我信耶穌基督，上帝的獨生子，咱的主。祂由聖神投胎，由在室女瑪麗亞出世；在本丟彼拉多任內受苦，釘十字架，死，埋葬，落陰府；第三日由死人中復活，升天，今坐在全能的父上帝的大傍；他要自比在來審判活人及死人。

　　我信聖神。我信聖，公同的教會，聖徒的相通，罪的赦免；肉體的復活；永遠的活命。阿們。

第19篇

啓：來啊，咱著向耶和華唱歌；

應：向救咱的石磐出歡喜的聲。

啓：咱當到祂的面前感謝祂，

應：用詩歌向祂出歡喜的聲。

啓：因為耶和華是大的上帝，

應：是大的王，贏過攏總的上帝；

啓：地深的所在在祂的手中；

應：山高的山尖亦屬於祂。

啓：洋海屬於祂，是祂創造的；

應：乾地亦是祂的手造成的。

啓：來啊，咱當鞠躬敬拜；

應：跪落在創造咱的耶和華的面前；

啓：因為祂是咱的上帝，

應：咱是祂養飼的百姓，是祂手下的羊。

啓：今仔日，恁若聽祂的聲， 

應：就不可硬恁的心。

馬太福音七章28-29節

28.耶穌講諸個話息，眾人奇怪伊的教示；

29.因為伊教示人，親像有權能的，無親像因的經學士。

《沙頂的腳印》

主，你溫柔的聲，

輕輕在呼召我隨你行。

主，在沙的頂面，

你印落腳印，導我歸向你。

也經過死蔭山谷，

在路上有你的腳印，

站站導我隨你行。

那是沙頂的腳印，

在加利利海邊沙頂的腳印，

直直行到各各他。

何等美的腳印，和平人君的腳印。

阮感謝你賜阮沙頂的腳印。

主，在日出的時，

我看你行在燦爛的海邊，

主，在黃昏海邊，

我猶原看見你的腳印，

引導我行頭前的路。

呼召我認真做工。

我攏知主甲我同在。

我永遠未會孤單！

那是沙頂的腳印，在加利利海邊，

那是沙頂的腳印，直直行到各各他！

何等美的腳印，和平人君的腳印。

阮感謝你賜阮沙頂的腳印。

救主來世間，照光咱行的路。

祂行過的路徑，今日猶原榮光。

時間的沙攏無蓋密，祂留的腳印，

凡若尋求祂的，仍舊要尋著。

那是沙頂的腳印，

在加利利海邊沙頂的腳印，

直直行到各各他！

第338首《願我能愈愛祢，我主基督》

1. 願我能愈愛祢，我主基督，跪落祈禱謙卑，求祢賜福，我心懇求無離，愈久能愈愛祢，能愈愛祢，能愈愛祢。

2. 昔我擒住世間，安樂得意，今我願放各項，專心尋祢，儆醒祈禱無離，愈久能愈愛祢，能愈愛祢，能愈愛祢。

3. 世間雖有艱苦，憂悶，煩惱，義人有主可靠，歡喜讚美，我口吟詩無離，愈久能愈愛祢，能愈愛祢，能愈愛祢。

4. 雖莽氣力衰弱，吟詩細聲，我心猶原勇敢，跟祢來行，迫切祈禱無離，愈久能愈愛祢，願我愛祢，願我愛祢。

我的錢銀獻給祢，用出攏趁你旨意，

我的才情祢賞賜，甘願還祢做器具。

喜氣洋洋領紅包 充充足足受祝福

第510首《讚美天頂主宰》

讚美天頂主宰，創造天地與海，保護萬民，

人人在普天下，同心讚美上帝，讚美三位一體，

父子聖神。阿們。

《去！去報揚》

願上帝，與你同在，從此時，到萬世代

祂用搥，與柺在導咱 擱用恩典慈悲照光咱

願上帝的疼包圍咱，保守咱信仰愈堅固

願平安的主永導咱

報揚，咱當要報揚－咱當勇敢報揚